Seinare meiningsmålingane har vore harde med regjeringspartia Frp og Høgre. Dette på tross av at Venstre og KrF begge har vore med på å vedlikehalde verdiar for folk flest i de avgjersler som har undergrava regjeringa mest. Seinast i avgjersla om endringar i arbeidsmiljølova kor Venstre var med på å korte ned på moglegheitene for midlertidig tilsetting frå fire til tre år.
Vedlikehald av verdiar
En nedgåande trend også for Frp og Høgre her i Os kan bety eit nytt fleirtall etter haustens val, og opning for eit nytt kommunestyre. Eit fleirtall som vil jobbe tydelegare i utbyggingssaker, jobbe aktivt mot næringslivet for å sikre gode jobbar, og samtidig ta større omsyn til deg, dine naboar og den vakre naturen i Osbygden. På same måten som Venstre i regjering tar vare på at gode verdiar ikkje forsvinner frå det norske samfunnet, og at folk blir sett og høyrd.
Miljøet i fokus
Endring i den politiske samansetninga av kommunestyret vil være ein samansetjing som forstår verdien av å ta vare på dei største verdiane Os har i naturen, også for framtida. Der passar ikkje ein gigantisk bru over majestetiske Bjørnafjorden inn i våre tankar. Viss du er einig at ein ikkje skal byggja ein monster-bru med tungtrafikk som susar forbi i 110 km/t må vi derfor minne deg på at akkurat din stemme framleis kan avgjere Bjørnafjordens framtid.
Ingenting er avgjort
Norge er eit demokratisk land. Ingen avgjersle er endeleg før Stortinget har fått sagt sitt, og i Norge er det ikkje tradisjon for at lokaldemokratiet blir overkøyrd, bokstavelig talt, i så viktige sakar. Ditt val, og din stemme til Venstre ved kommunevalet 14.september kan dermed være avgjerande for Bjørnafjorden sin framtid. For får Frp og Høyre vind i seglene igjen er naturen i Bjørnafjorden berre midlertidig. Os Venstre ønskjer at du skal bestemme korleis Os skal sjå ut i framtida. Gjer slutt på 16 år med Frp, og gi Osbygden nytt liv og en betre framtid. Ein som ikkje berre er midlertidig.
